حصلت "البوابة نيوز" على أقوال القبطية التي تم تجريدها من ملابسها بقرية الكرم بالمنيا، على يد بعض مسلمي القرية بعد تردد أنباء عن تورط نجلها في علاقة غير شرعية مع مسلمة بالقرية. قالت السيدة سعاد ثابت 70 عاما في المحضر الذي تم تحريره بمركز شرطة أبو قرقاص، "بهدلونى يا بيه حرقوا البيت ودخلوا جابونى من جوه، ورمونى قدام البيت وخلعونى، هدومي يا بيه زى ما ولدتنى أمى مخلوش حاجة حتى ملابسى الداخلية وأنا بصرخ وأبكى، وبعدين ربنا خلصنى من ايدهم، وناس خدونى جوه بيتهم اخدت جلبية قديمة ولبستها وبعدين، جات الناس تساءل على فرد اهل لبيت وقالوا لهم مش موجودة". وأضافت السيدة: "أن من قام بهذه الجريمة معها هم نظير اسحق أحمد وهو زوج السيدة المسلمة، ووالدهم اسحق أحمد وشقيقه عبد المنعم اسحق أحمد. وتابعت: أنها ذهبت لقسم شرطة ابوقرقاص وقامت بتحرير محضر بالواقعة التي حدثت معها واستردت لتقول ابني اشرف ملوش علاقة بالست المسلمة وهى جات المركز وقالت إن زوجها نظير بيشهر بها ورفعت قضية، وهو عمل كده علشان يطلقها، ولكن احنا اتبهدلنا وكل بيتنا اتحرق وجوزى ضربوه وأنا لحد دلوقت مش قادرة اصلب جسمى بعد ما ضربونى". أضافت "ناس معندهاش ضمير يعرونى في الشارع وأنا ست كبيرة وكل القرية بتتفرج، وابنى هرب لأن لو شافوه كان قتلوه مكنش يعرف أنه ممكن يعملوه كده في ست كبيرة".