كتبت-عبير القاضي:
عبر الفنان عمرو مصطفى، عن رفضه لقرارات اجتماع الصحفيين، حيال اقتحام قوات الأمن النقابة والقبض على اثنين من اعضائها، قائلا :"الشعب مش راضي ولا موافق من اللي بتعملوا نقابة الصحفيين، و معظم الناس مع اللي النائب العام و الداخليه عملوه بالقانون".
وقال مصطفى، عبر حسابه الشخصي على موقع التواصل الاجتماعي"فيسبوك"، "مش من حق السيسي يعتذر، اعتذارك مرفوض يا ريس و سيبهم يعضوا في الاسفلت، و قسماً عظماً لو الداخليه مش بتحميكم قدام النقابه كان زمان الناس قطعتكم".
وأضاف قائلا :"مصر مش هتخضع لإبتزاز تانى، النقابات اللى تتجاوز دورها المهنى و تحشد لإتجاه سياسى لازم تتحل، الأولويه لدوله القانون".
وتابع:" علي الصحفيين الوطنيين ان يرفعوا صوتهم ويسمعوا مصر كلها ان اللي حصل مش جمعيه عمومية للنقابه وان مش من حق " قلاش وعصابته " ياخدوا قرارات عن الجمعيه العمومية للصحفيين، الصحفيين الوطنين حلفاءنا في الحفاظ علي مصر".
واختتم رفضه قائلا :"ماتعتذرش يا ريس اقسم بالله حياه او موت، هما الصحفيين هيحكموا البلد ولا ايه".