نفى الإعلامي الساخر باسم يوسف واقعة الاعتداء عليه، والتي تم تداولها على بعض المواقع الإخبارية، قائلا "مافيش اعتداء حصل ولا حاجة ولا في لندن ولا في نيويورك، اللي في لندن وضحناه كتير بس بقى في نيويورك ده كان الضحك كله". 

وعلق باسم يوسف، على حسابه الرسمي على موقع التواصل الاجتماعي، فيس بوك، اليوم الإثنين، على الواقعة "خمس ست أشخاص كل عشر دقايق اللي يطّلع يقول تحيا مصر، أو يهتف سيسي سيسي، أو يغني النشيد الوطني، أو يقاطع بأي كلام مالوش لازمة والناس تشتمه، والأمن حاول يطلعهم كذا مرة وأنا بقولهم سيبوهم دول لطاف خالص، والحمد لله اتسليت عليهم لغاية آخر العرض وكانوا بونبوناية الليلة".

وأوضح باسم يوسف "أنا عارف أن كل الهدف هو فيديو مش واضح ومتاخد بره السياق عشان ينزل في المواقع إياها.. الليلة كانت ناجحة فوق الوصف. مسرح في وسط نيويورك متباع تذاكره بالكامل وأكتر من 200 واحد على قائمة الانتظار، أما الهتيفة البائسين فهما نفس الوشوش اللي معروفين للجالية المصرية هنا".

باسم يوسف يوضح حقيقة الاعتداء عليه في لندن ونيويورك : قولت للأمن سيبوهم دول لطاف خالص
ونشرت صفحة "الجيش المصري الإلكتروني" على فيس بوك، فيديو قالت إنه للجمهور المصري في نيويورك، يعتدي على الإعلامي الساخر، باسم يوسف، ويلقي به خارج المسرح، صباح اليوم الإثنين في نيويورك. 
وتداول رواد موقع التواصل الاجتماعي، صور وفيديوهات قيل أنها اعتداء على يوسف وطرده من أحد مسارح الولايات المتحدة خلال تقديمه عرضا مسرحيا.