تداول مستخدمو مواقع التواصل الاجتماعي منشورا لأحد ركاب مترو الأنفاق، عبر حسابه على موقع التواصل الاجتماعي "فيس بوك"، قال فيه إنه تم إجباره على دفع غرامة مالية قدرها 15 جنيها أثناء عبوره محطة مترو غمرة للرجوع إلى محطة الشهداء بعد نسيانه النزول في محطته الأساسية.
وأضاف: "سرحت مع الموبايل لقيت نفسي في محطة غمرة اللي هي بعد الشهداء بمحطة واحدة.. عادي مفيش مشكلة حصلت معايا كتير ومع كل الناس، المهم زي كل مرة رحت نازل ولفيت عشان أنزل على الرصيف المقابل عشان أرجع المحطة دي للشهداء.. وإذ فجأةً يا مؤمن ألاقي إنسان -مواطن شريف- متعرفش طوله من عرضه من ارتفاعه ماسك عيل صغير حوالي 15 سنة وراجل كبير غلبان كده وجاي عليّ يمسك إيدي وبيقولي بطاقتك وتذكرتك، فبسأله ليه ؟ قال عشان ممنوع تلف بالتذكرة، قلتله ممنوع ازاي ؟ قال صدر قرار إن التذكرة رحلة واحدة بس.
ومن جانبه قال المتحدث بإسم هيئة مترو الأنفاق، أحمد عبد الهادي، إن تذكرة مترو الأنفاق لرحلة واحدة فقط سواء ذهابًا أو إيابًا وغير مسموح لأحد الركاب بتبديل الاتجاهات داخل الرحلة الواحدة وبنفس التذكرة.
وأضاف عبد الهادي في تصريح لـ"دوت مصر" إن أمن المترو لن يستطيع أن يفرق بين المتلاعبين وغيرهم ممن نسي النزول في محطته قائلاً "مفيش حاجة أسمها نسي".
وأكد المتحدث بإسم هيئة المترو، أن هذا الإجراء طبقا لقانون المترو منذ إنشاءه وليس مستحدثًا كما أشاع البعض، لافتًا إلى أن مثل هذا الإجراء لضمان عدم التلاعب داخل المترو والحفاظ على حالة الانضباط والأمن.