تحولت قرية بني زايد التابعة لمركز ناصر شمال محافظة بني سويف إلى سرادق كبير لأستقبال المعزيين فى وفاة 5 من أبنائها فى حادث طريق "سفاجا سوهاج" إثر تصادم سيارة ربع نقل تقل 12 عامل تابعين لإحدى الشركات العاملة بإنشاء وصيانة الطرق، بإخرى نقل، ليتوافد عليها ابناء القرى المجاورة، لتقديم واجب العزاء، فى مشهد خيم الحزن خلاله على القرية التى تبعد 8 كيلو مترات عن مدينة بني سويف شمالا.

خرجوا سعيا وراء لقمة العيش لم تتعدى أعمارهم الـ35 عاما عاما، فى محاولة منهم لبداية حياة جديدة وتكوين اسرة، أو الإنفاق على اسرهم، إلا انهم عادوا محمولين على الأعناق، لتنتهي حياتهم قبل أن تبدا، بينهم 5 من شباب قرية بني زايد، وهم: عماد محمد محمود فرج، 32 سنة ، حمادة عيد أحمد علي عبد الحميد 33 سنة ، محمد على أحمد علي عبد الحميد 29 سنة، أشرف عبد النبي حسن 31 سنة، احمد محمد سيد 28 سنة، بالأضافة إلى5 أخرون من مدينة ناصر وقراها.

وقف أهل القرية جميعا امامها إنتظارا لقدوم جثامين ابنائهم، وتجمع العشرات من النساء امام المنازل وسط حالة من البكاء والصريخ حزنا على فراق خيرة شباب قريتهم.

"مصراوي" التقت بأسر الضحايا " حيث يقول"والدة اشرف عبد الله حسن " أحد الضحايا: ملحقش يفرح بولاده، كان نفسه يربيهم تربية حلوة ويعيشهم أحسن عيشة، لكن إرادة ربنا اكبر مننا كلنا" حالة والدة الضحية التى فقدت ابنها أحد ولديها لا تصدق وفاته وتردد كلمات امام جيرانها واهلها من المعزيين "اشرف جاي" قائلة:" قلبى حاسس ان ابني لم يمت وهيرجعلى تاني، لما كان بيرجع من الشغل يدخل عليا ويقول انا جتلك يا حجة، يسلم عليا قبل ما يدخل على زوجته وولاده، كان حنين على البيت كله وأخواته اللى ربنا رزقني بيهم، ربنا يعوض عليا معايا اخوه وبنتين، وربنا يبارك فى ولاده معاه طفل فى اولى ابتدائي، وشقيقته شروق فى الحضانة، ملحقوش يتمتعوا بأبوهم.

وأضافت والد الضحية أشرف" ابني شهيد مات بيسعى على رزقه، اخد الدبلوم، وقعد مستنى الوظيفة، لكن مفيش حاجة جاتله الحكومة مش بتساعد حد، اضطر انه يشتغل اى شغلانة وخلاص، اكثر من 14 سنة شغال على الله باليومية يوم بيوم، بيسافروا يتغربوا بالـ20 يوم ويرجعوا لبيوتهم يكونوا عملولهم قرشين يقدر يصرفوا على ولادهم ويساعدوا اسرهم، هوا واللى زيه"


اسرة الضحية اشرف عبد الله  بقرية  بنى زايد (2)

اسرة الضحية اشرف عبد الله  بقرية  بنى زايد (1)

قرية بني زايد تتشح بالسواد حزنا  على فقدان 5 من ابنائها (2)