نفى الفنان محمد رمضان ان ما مر به من رفض احد المخرجين له بان يشارك فى اجد الاعمال وطردة من اللوكشن وقطع القميص الخاص به يكون سبب انكسار له لان مرحلة البداية تضمن معاناة لابد منها.


وأضاف خلال لقائه فى برنامج "المتاهه" مع الاعلامية وفاء الكيلانى على قناة mbc مصر قائلا: ارفض التصريح بإسم المخرج لان ربنا حليم ستار، بستر عليه مش عليه، واصبح صديقى جدا وهو ميعرفش اصلا اللى عمله فيه، والعظمة ان مدام ربنا رد لى حقى انا مش هرد، انا من النوع اللى بسيب تارى جدا لا انظر الا لهدفى فقط.
وتابع قائلا: صديقى خارج الشغل لكن مينفعش اشتغل معاه، طوال القعده معاه بسمع مدح بس ودة يحسسنى بفخر فى حد ذاته.


اما بخصوص الفنان على الحجار اللى حرض بعض الاشخاص للاعتداء بالضرب عليه، اكد قائلا: لم أضرب ولكن قعدت باجندة لما روحت المسرحية سجلت فيها بعض النكت، ثانى يوم طلعت وجدت رد فعل عظيم والمخرج انتظزنى وقالى رفعت راسى، بعدها كان استراحة، دخل سمو الامير بالحاشية بتاعته، والممثلين كلهم واقفين انا كنت اصغر دور فى الرواية وكنت فى غرفتى، راح الامير سأل عليه، خرجت فورا وكنت فاكر اسمه امير وقلته له ازيك يا استاذ امير، أهدانى قلم ومساعدة اخبرنى ان به 30 فص الماظ، سعدت جدا مش بقيمة القلم ولكن انه قدرنى".


وتابع: فوجئت بعدها مساعد المخرج قالى فى مشكلة بسببك، ولقيت الشاعر جمال بخيت قالى انا كاتب الرواية وحياة بناتى انا موت من الضحك من الكلام اللى انت ارتجلته، لكن على الحجار بيقول يا انا يا انت فى مسرحية يمامة بيضا، والمخرج قال على جثيتى ان يمشى، ورحت لاستاذ على الحجار وقولت له اسف يا استاذ على هعمل انهاردة وامشى بكرة عشان المخرج، لما المخرج دخل لقيت الحجار قال لى جمله غريبة معناها يا انا يا البتاع دة، رغم ان قبل دخول المخرج كان بيقولى انا معجب بادائك.


اما بخصوص ضربى انا لم اضرب ولكن وانا داخل المسرح لقيت المساعدين للحجار مسكونى زى ما يكونوا مسكوا ارهابى داخل يفجر المكان، واللى ضايقنى ان كان فى نجوم كتير قاعدين محاولوش يدخلوا.


ونهى حديثه قائلا: موضوع القلم مش فكرة فلوس ولكن عدل من ربنا، وكلمتى ثقة فى الله ناتج تجارب حياتيه وليس ثقافة، انتوا استكتروا على ممثل مكان صغير جدا ببقبض اقل اجر فى المسرحية، وربنا كافئنى بمبلغ لو قعدوا يشتغلوا فى المسرحية سنين مش هيعملوه، وبشكر الحجار جدا لانه ادانى اصرار غير عادى، هذة الواقعة اعطتنى ابسط طموح عندى اكون رقم واحد فى هذا المجال وبحترم تاريخك الفنى ربنا يوفقك.