عبر تامر حسني عن سعادته برد الفعل الذي شهده أمس في العرض الخاص لفيلم «اهواك» الذي يعود به للسينما بعد غياب ثلاث سنوات منذ تقديم الجزء الثالث من فيلم «عمر وسلمي».

وكتب تامر على صفحته الخاصة بـ«فيس بوك»: «ألف شكر لكل من حضر العرض وشكراً لزملائي الفنانين اللي فعلاً باركولي من قلوبهم وبشكر جميع الساده الصحافيين والإعلامين وبجد انا اكتر من فرحان من ردود افعالكم على الفيلم والأغاني لاني توقفت ثلاث سنوات عشان اذاكر اكتر واجتهد اكتر في تقديم مرحله جديده لي وفرحان اكتر اننا عملنا فيلم فرحكوا وضحكوا والعيله كلها تقدر تشوفه».

وأضاف: «بشكر كل ابطال العمل اللي فعلاً مفاجأه كبيره للجمهور وكل واحد فيهم ادى دوره بشكل اكتر من هايل بشكر السبكي انه صدقني في فكرة انه لازم يغير ويطور ويصرف على الصورة واهو انهارده عمل كده ونص ومقالش على أي طلب لأ مهما كان، وقدم لنا رنا بنته عشان تنتج بنفسها الفيلم ده تحت إشرافه».

وتابع: «بشكر مدير التصوير الراقي الموهوب المزهل جلال الذكي على تقديم هذا النوع من الصوره والجوده لأول مره في فيلم عربي نيجي بقي للمخرج محمد سامي اللي هفضل اقول عليه عبقري طول حياتي محمد اللي صور شوارع مصر واماكن مصر بالرقي ده اللي خلّا كل ممثل فينا يمثل بإختلاف بقوله امام الجميع شكراً يا محمد وانا فخور اني قدمت للساحه الفنيه فنان بموهبتك اللي ملهاش زي يا فنان يا عبقري بجد شكراً يا محمد بشكر كل من ساهم في اظهار الفيلم للنور بشكر جميع صناع العمل بشكر سينما امريكانا بلازا على استضافتهم الكريمه لنا».

Configure