كلنا بنسمع اغنية فايزة احمد " ست الحبايب " وبنعشقها او بنعشق امنا من خلالها .. بس منعرفش هى انكتبت ازاى وامتى وايه الظروف اللي كتبها فيها الشاعر الرائع الجميل حسين السيد .
وايضا .. مش عارفين ليه فايزة احمد هى اللي غنتها مش اى مطربة تانية .. ومين اللي رشحها عشان تغنيها؟
في البداية نقول : حسين السيد طبعا هو صاحب هذه الاغنية الاشهر التي تحدثت عن الأم ، ورغم ان هناك اغنيات كثيرة عن أمنا الا ان ست الحبايب هي الوحيدة العالقة بأذهاننا دوما ..
وفايزة احمد كانت مشهورة بالغناء لجميع أفراد الاسرة بصفة عامة .. غنت لإبنها " إلاهي يحرسك م العين وتكبر ليا يامحمد .. وغنت للعيلة " بيت العز يابيتنا " وغنت للأخ : ياغالي عليا ياحبيبي ياخويا يا اجمل هدية من أمي وابويا .. وغنت للزوج " "يابو عيالي " .. وعندما كتب حسين السيد" ست الحبايب وذهب الى الموسيقار الكبير محمد عبد الوهاب ليلحنها ، سأله عبد الوهاب : تفتكر مين يغني الاغنية الحلوة دي ؟ فرد حسين السيد .. مفيش غير فايزة احمد .. الوكيل الرسمي المعتمد للغناء لكل افراد العيلة.
اما عن ظروف كتابة الاغنية فنحكيها لكم : فى بداية الستينيات من القرن الماضى وفى عيد الأم فى مصر ذهب الشاعر الغنائى الكبير ''حسين السيد'' فى زيارة إلى أمه فى ليلة عيد الأم وكانت تسكن فى أحد الأحياء الشعبية فى الدور 6 وبعدما صعد السلم ووصل شقة والدته اكتشف أنه نسى شراء هدية لأمه بهذه المناسبة وكان من الصعب عليه نزول السلم مرة أخرى ، فوقف على باب الشقة وأخرج من جيبه قلما وورقة وبدأ يكتب هذه الكلمات ليهديها إلى أمه فى عيد الأم، وقد كتب ما يلى وبشكل تلقائى بدون مسودة مبدئية
''ست الحبايب يا حبيبة يا أغلى من روحى ودمى يا حنينه وكلك طيبة يا رب يخليك يا أمى ست الحبايب يا حبيبة .. أنام وتسهرى وتباتى تفكرى وتصحى من الآذان وتيجي تشقرى يا رب يخليك يا أمى يا ست الحبايب يا حبيبة يا حبيبة''
ثم طرق حسين السيد باب الشقة وفتحت له والدته وبدأ يسمعها كلمات الأغنية ففرحت بها جدا ثم وعدها على الفور بأنها سوف تسمعها فى اليوم التالى فى الإذاعة المصرية بصوت غنائى جميل وقال السيد هذا بشكل عفوى دون أن يعرف كيف سيفى بهذا الوعد.
ثم اتصل حسين السيد على الفور بالموسيقار الكبير محمد عبد الوهاب وأعطاه كلمات الأغنية على التليفون فأعجب عبد الوهاب كثيرا بكلمات الأغنية لأنه كان يحب أمه كثيرا فقام بتلحينها فى بضع دقائق ثم اتصل بالمطربة فايزة أحمد لتحضر عنده وأسمعها الأغنية وتدربت عليها وحفظتها، وفى صباح اليوم التالى 21 مارس ذكرى عيد الأم غناها فى البداية محمد عبد الوهاب على العود فقط ومع نهاية اليوم كانت فايزة أحمد قد غنتها فى الإذاعة بالتوزيع الموسيقى، وبذلك أوفى حسين السيد وعده لوالدته، وربما هذه العفوية والصدق الذى يملأ الأغنية هو سر نجاحها لأكثر من 50 عاما والتى تحتفل بيوبيلها الذهبى هذا العام كأهم أغانى عيد الأم على الإطلاق.
ست الحبايب يا حبيبة يا أغلى من روحي ودمي
يا حنينة وكلك طيبة يا رب يخليكي يا آمي
يا رب يخليكي يا امي يا ست الحبايب يا حبيبة
زمان سهرتي وتعبتي وشيلتي من عمري ليالي
ولسة برضو دلوقتي بتحملي الهم بدالي
أنام وتسهري وتباتي تفكري
وتصحي من الأذان وتيجي تشقري
يا رب يخليكي يا أمي يا ست الحبايب يا حبيبة
تعيشي ليا يا حبيبتي يا أمي ويدوم لي رضاكي
ده أنا روحي من روحك انتي وعايشه من سر دُعاكي
بتحسي بفرحتي قبل الهنا بسنة
وتحسي بشكوتي من قبل ما أحس أنا
يا رب يخليكي يا أمي يا ست الحبايب يا حبيبة
لو عشت طول عمري أوفي جمايلك الغالية عليا
أجيب منين عمر يكفي و ألاقي فين أغلى هدية