«اللي عدى البحر في سفينة نايم.. غير اللي عدى وسط القروش عايم»، مقولة ربما تجدها على الزجاج الخلفي لميكروباص أو توك توك، في أغلب الأحيان تحمل الكثير من المعاني لدى صاحب المركبة، ثم تتحول الجملة أو المقولة إلى حكمة ومثل يردده العامة، كل حسب تأثيرها عليه وتفاعله معها، رغم أنها من البداية كانت تعبر عن معاناة أو تجربة خاصة بقائد المركبة.

انتقلت عدوى هذه الجمل إلى وسائل التواصل الاجتماعي، وأصبحت وسيلة من بين وسائل التعبير بين المستخدمين، حتى إن البعض بات يبتكر جملا جديدة، وآخرين صنعوا منها «كوميكس» ربما أشهرها حتى الآن ما يقال على لسان الحاج إبراهيم سردينة، بطل مسلسل «لن أعيش في جلباب أبي»، وغيرها، كلها تحت هاشتاج «#كلام_كبار

وفي هذا التقرير  أشهر 36 مقولة من «كلام كبار» انتقلت من الميكروباص إلى مواقع التواصل الاجتماعي:

36. الرجولة ضرب نار مش هزار

35. هتعرف الحقيقة وقت الضيقة

34. سهلة ومش مستاهلة

33. خلصانة ومعاها حصانة

32. يا ناس أنا مخي باظ.. هسيب التكنولوجيا وهركب ميكروباص

31. اللي كانوا تلاميذنا.. فاكرينّا عجزنا

30. الرجولة فرص مش عجوة وقرص

29. تعيش راجل، تموت راجل.. يموت جسمك، يعيش اسمك

28. طول ما التلاجة مفيهاش حاجة اشتغل أي حاجة.. اصحى للكلام

27. هات آخرك ومش هكلمك ولما تخلص هطلع أعلمك

26. حرك شفايفك عشان مش شايفك

25. يا تخليك قد كلامك، يا تخلي كلامك على قدك

24. مش هقول كلام كبار عشان الكبار مابيتكلموش

23. المشي البطال ياما بهدل أبطال

22. الدنيا دوامة ومفيش عوامة

21. الرجولة مقامات ماتتحطش على سيديهات

20. الصاحب الجدع مالوش مرتجع

19. إن خس جسمي، ما يخسش اسمي

18. تجيب سيرتنا تدفع غرامة لو مش مصدق اسأل ماما

17. عامل صاحبك وحبيبك وف ضهرك أنت ونصيبك

16. امسك لسانك يعلى مكانك وخلي سكوتك يوجع أكتر من كلامك

15. لو انت بابا في المجال، ف أنا أبقى جد العيال

14. زى ما في شامبو ضد القشرة في صحاب خانت العشرة

13. فى ضهرك كلام زي السكاكين وف وشك أولياء الله الصالحين

12. اوعي تعمل الغلط وتقول مضطر.. هو ينفع تلبس شتوي وتقول الدنيا حر

11. اللي انت بتحلم تعمله، أنا بحاول أبطله

10. لو فاكر نفسك أحسن مني هخليك في يوم تيجي تقول لي علمني

9. السواقة فن مش عن عن

8. لو قلبك مات ماتجيش على اتنين إخوات

7. ده قال وده عاد وده زاد بس الفعل دايماً للأسياد

6. مش محتاج اتكلم عن نفسي الناس كلها بتحلف باسمي

5. لو مفيش حد بيغلط مكانوش حطوا فوق القلم أستيكة⁦

4. اسأل عني هيقولولك حاجتين معروف بالاحترام ومالوش في الحرام

3. لو عجباك دوس *#

2. الميكانيكا أداء مش شد أجزاء

1. أنا يوم ما أبيع.. مفيش ترجيع