فقد الفنان أحمد عز الأمل الأخير في قضية نسب توأمه بعد رفض محكمة الأسرة الطعن الذي قدمه على الحكم الصادر من محكمة مدينة نصر، برفض بطلان حكم ثبوت نسب التوأم عز الدين وزين الدين له، وبذلك أغلقت محكمة الأسرة ملف القضية بشكل نهائي، وأيدت حكم أول درجة بثوبت نسب التوأم له.

 

من جانبها عبرت الفنانة زينة عن سعادتها برفض الطعن الذي قدمه والد توأمها على ثبوت النسب، وقامت زينة بنشر صورة لأحمد عز على حسابها على إنستجرام، وأكدت في تعليقها على الصورة بأنها ستقوم بحذفها بعد ذلك، وهو ما قامت به بالفعل.

 

زينة كتبت تدوينة طويلة على الصورة قالت فيها "الحمد لله النهاردة كانت اخر قضية رافعها علينا الشيطان، والحمد لله مايقدرش الشيطان يرفع اَي قضية تاني، الموضوع اتقفل نهائيا ورفع علينا كل القضايا اللي ممكن تترفع والحمد والشكر لله ربنا كرمنا وخسر كل القضايا، الشيطان ده قبل ما يخسر كل القضايا خسر نفسه اللي مش موجودة اصلا وضميره المعدوم وحتي شكله اللي بقي استغفر الله العظيم، نصيحة ليكم اياكم والظلم اياكم والقسم بالكذب، كلمة اقسم بالله بالكذب بتهز السموات، بص يا شيطان كل القضايا اللي ينفع ترفعها خسرتها، كبيرك تتكلم في سمعة أم ولادك وانت عارف بتقول كده، بس ياريت تسبت كدبة علشان بتسي كدبك وكل يوم بقصة، شكرًا الاستاذ الكبير المحترم :معتز الدكر المحامي اللي تعب معايا خلاص ارتاح من قلقي والصداع اللي عملتهوله ، ومبروك يا استاذ معتز علي قدوم القمر زينة الصغيرة، وربنا يكرمك ويخلي زينه وعبدالله، كملت مسيرة الاستاذ الكبير محمد الدكر الله يرحمه يارب، شكرًا الاستاذ: عاصم قنديل المحامي الكبير اللي بعتبره واحد من اهلي، انا تعبتك اوي يا استاذ ربنا يخلي حضرتك، وارجوكوا سامحوني علي الصورة دي واعرفوا انها مخوفاني انا كمان والله للامانة ماكان هو ده شكله، بس الظلم والقسم كدب بينزل غضب ربنا علي أغلي حاجه عند الانسان، وده أغلي حاجه عنده وشه، بعتذر علي بشاعة المنظر، دي أحدث صورة للشيطان لقيتها في وشي معلش، وهاشيلها كمان شويه".