أزال الملحن والمطرب عمرو مصطفى، المنشور الخاص بإهانة الهضبة عمرو دياب، من صفحته الرسمية على موقع التواصل الاجتماعي "فيس بوك"، بسبب موجة الغضب الشديدة التي انهالت عليه من "فانز" الهضبة والذين كتبوا تعليقات هجومية جارحة لعمرو مصطفى.
وكان "مصطفى" كتب في هذا المنشور: "ورحمة أبويا أنا لا عايز أشتغل مع عمرو دياب تاني ولا فارق معايا عمرو دياب، ولا عايز أجيب سيرته في برنامج تاني لولا المعدين المتخلفين اللي بيحاولوا يقحموا اسمه معايا في جملة مفيدة، خلصنا بقى مرحلة وعدت".
وتابع: "أقسم بالله العظيم لو ادفعلي مليون جنيه في اللحن ما هشتغل معاه تاني، وعشان ترتاحو اللي هيجيب سيرته في أي برنامج مستضفني هسيب البرنامج وأقوم".
أما عن الإهانة الشديدة التي لم يسلم عمرو من جمهور الهضبة بسببها فكانت عندما قال أنه صنع تاريخ عمرو دياب، حيث كتب قائلا: "فيه إيه عملتله تاريخ وخلصنا لو بتحبوه أوي قولوله ميغنيش أغانيا أو شيلوها من اليوتيوب ومتسمعوهاش تاني عقابا ليا".