وجهت الفنانة مي كساب رسالة أخرى لجمهورها أكدت فيها على براءة زوجها مطرب المهرجانات أوكا والذي تم حبسه بتهمة التهرب من الخدمة العسكرية.

مي كتبت «اللي يعرفني من قريب يعرف كويس أني عمري ما كرهت حد ولا عمري اذيت حد ولا عمري عملت تصرف مخل بالشرف ولا اتنازلت عن شرفي ولا كرامتي في يوم من الأيام، واستحملت ظلم كتير واضطهاد ومحسوبيات وكنت طول الوقت بصبر نفسي بكلام ابويا الجميل اللي رباني على القناعة، كان دايما يقولي انتي عامله زي عسكري في الجيش كل شويه بيترقى بجهده وتعبه ويتنقل من سلاح لسلاح».

واضافت «انا مريت بظروف صعبة كتير في حياتي بس للأسف بقالي 4 سنين مش باشوف يومين حلوين على بعض، انا باعيش اقسى ايام حياتي من يوم 1/12/2012 يوم ما اكتشفت ان امي عندها السرطان وانا مش مي انا واحدة تايهه مش لاقيه نفسها، موت امي كسرني ومن بعدها احداث كتير قوي وجعتني القريبين مني عارفين انا استحملت حاجات صعبة كتير اد ايه السنين اللي فاتت، بس الصراحة ده اصعب موقف اتحطيت فيه من يوم ما اتولدت مش عشان ده جوزي وحب عمري وإحساسي بعدم وجوده جمبي كان روحي متاخدة من جسمي لا عشان متأكدة انه مظلوم».

الفنانة المصرية أضافت «متأكدة انه ضحية طيبته وسذاجته، وللاسف ضحية تعليمه المتواضع الضحل ضحية ثقته الزيادة عن اللزوم في اي شخص يقرب منه ويضحك عليه ويقوله انا هاعملك ويوعده وعود كدابة وفي الآخر يستغله ويورطه».