أعربت فتاة تدعى "ندى"، عن استيائها من طلب والدتها لها بالتزوج بغرض أن تجعل البيت خاليًا حتي تتمكن من الزواج برجل، موضحة أنها عندما رفضت طلب والدتها قامت بتحرير محضر لها بقسم الشرطة تدعي فيه أنها تعدت عليها بالسباب والضرب.

وروت "ندي" تفاصيل أزمتها مع والتدها خلال مداخلة تليفزيونية مع الإعلامية "مفيدة شيحة" مقدمة برنامج "الستات مبيعرفوش يكدبوا" المذاع عبر فضائية "Cbc" قائلة:" بعد مابابا توفي، ماما كانت عايزة تتزوج، وقالتلي مش عايزاكي معاكي في البيت، وأنا رفضت أسيب البيت وقولتلها أتجوزي، وعملت فيا محضر في القسم وقالتلوهم أني بتعدي عليها وبشتمها، وفي القسم نزلوني الحجز وضربوني وأهانوني وعذبوني، لحد ماجم أقاربي خرجوني، وملقتش مكان أقعد فيه، ومامتي قالت أنا مش عايزاها في البيت أنا عايزة أتجوز".

وأضافت: "أنا قولت للناس أن بطريقتها دي هي بتجرني لطريق مش كويس، وروحت قعدت في بيت واحدة صاحبتي، وأنا كنت بشتغل وكان معايا فلوس من والدي وأتجوزت وخلفت، وهي أتجوزت وإطلقت، ودلوقتي بعد ما أطلقت عايزة تتكلم معايا وكأن مفيش حاجة حصلت، وأنا دلوقتي رافضة ده لأنها مكانتش موجودة لما كنت محتاجلها، وأنا مكلماكم علشان أوصلها رسالة أقولها أنها ماتت بالنسبالي وأنا بكرهها، وأنا كنت بسمعها وقت ماكانت متجوزة بابا بتكلم رجالة وبتحكيلهم عن مشاكلها".