تحدث الرئيس عبد الفتاح السيسي عن الأزمة الاقتصادية وسعر صرف الدولار، خلال إحدى جلسات المؤتمر الوطني للشباب، بعنون "أزمة سعر الصرف.. السياسية النقدية"، وقال: "اللي إحنا فيه ده عوامله كتير أوي ومتداخلة، والاقتصاديين اتكلموا عن أسباب كتيرة، لكن يا ترى مفيش أسباب تانية؟".
وأضاف السيسي: "في حد بيتابع الوضع المصري وعايز يعيقه، أهل الشر وياريت محدش يعتبر إني بحمل الوضع أكبر من حجمه، هل هما عايزينا نكمل؟، المصريين قدروا يتجاوزا كل المشاكل بالتماسك، هما بيكسروا التماسك".
وتابع: "إحنا ظروفنا صعبة وإحنا دولة ظروفها صعبة في الأساس، ولو عملت الإصلاح هيبقى ضاغط على الناس حتى لو قبلوا بيه، معملتش الإصلاح هنرحل المشكلة وهنبقى رايحين لأزمة".
وشدد على أن مصر تواجه جهدا منظما وخبيثا هدفه "إزاي نضغط على المواطن اللي كان راضي عن الراجل ده (في إشارة إلى نفسه)، المؤامرة دي شغالين عليها تنجح في سنة سنتين.. أرجو إن ده يتحط في الاعتبار، قد يكون في أسباب اقتصادية قد يكون في أخطاء، لكن في حاجات اتعملت عشان الزيادة الكبيرة في سعر الصرف دي تحصل"