وجه رئيس جامعة القاهرة، جابر نصار، دعوة لإقامة حفل سحور داخل الحرم الجامعي، يوم 17 رمضان المقبل أمام قبة الجامعة، ابتداءا من 11 مساء.

وقال نصار، في تدوينة على حسابه على موقع "فيس بوك"، أن ذلك يأتي في إطار تشجيع مبادرات النشاط الطلابية بجامعة القاهرة، مضيفا "هتكون حاجة كده تفرح بجد، عربيات فول وطعمية و مفاجآت كتيرة، وعربيات كبدة وسجق وحواوشي، وكله مضمون، وفطير مشلتت وجبنة قديمة (مش يعنى) وعسل أبيض وقشطة وفواكه ومكسرات، وعربيات ترمس وكل اللي تتخيله".

وأضاف نصار: "دي هتبقى ليلة من ألف ليلة، تنورة ومديح وفلكلور شعبي، وكمان الطفل الجميل أحمد السيسي، مفاجآت عديدة ومتعددة بجد، هتنبسط يعني هتنبسط، البنات ممكن تيجى مع حد من عيلتها أبوها، أخوها والدتها اهلا بهم".

وأشار رئيس جامعة القاهرة إلى تواجد باص متخصص لطالبات المدينة الجامعية لإيصالهم، قائلا: "يلا تعالى اتسحر مع لمة جميلة أمام قبة الجامعة وخد لقطة تاريخية مش هتنساها".

ووجه طالب مسيحي من كلية الحقوق السؤال لرئيس الجامعة من أجل الحضور، فرد نصار "طبعا.. واعتبر إني بوجه لك الدعوة شخصيا، مفيش عندنا مسلم ومسيحي".

وأكد رئيس الجامعة أن الحفل مجاني قائلا "رابط التسجيل والحفل مجاني، وعلى فكرة الحفل له رعاة يعني تأكل وتشرب وتفرفش، مجانا، والجامعة لن تتكلف شئ".

ووفقا لموقع التسجيل، أوضح إنه تم اكتمال عدد المسجلين في سحور جامعة القاهرة.