|
مصريون فى الكويت
مصريون فى الكويت
مصريون فى الكويت
مصريون فى الكويت
مصريون فى الكويت مصريون فى الكويت مصريون فى الكويت مصريون
فى الكويت جريدة يوميةجريدة يوميةجريدة
يوميةجريدة يومية جريدة إلكترونيةجريدة
إلكترونيةجريدة إلكترونيةجريدة إلكترونية
|
|
|
|
|
|
|
|
|
|
|
|
فيديوهات المصريين
|
|
|
قصيدة لا انا كافر ولا ملحد - عبدالله حسن
|
23 يوليه, 2013 , 08:22:00 ص
|
|
|
|
لاأنا كافر ولا ملحد
بقول لأه أنا وبرفض
لكل معانى الاستبداد
ولو ع النار أنا همشى
وللحريّة همشى بلاد
وشىء مرفوض أنا لاغى
يحطوا السم فى دماغى
يقولى أهتف أقوم أهتف
يقول سقّف أقوم أسقّف
يحولنى لمسخ بليد
أكون إيده اللى بتكسّر
وأكون وشّه اللى بيكشّر
وممنوع إن أنا أفكر
ومظبوط بس ع التأييد
لا أنا كافر.. ولا ملحد
وبتقولوا أنا كافر؟
أنا كافر بدستوركم
بقوانينكم
بأحكامكم
بحكّامكم
أنا كافر
بأحلامكم
بأفكاركم
بسلطتكم
بسلاتطكم
بدنيتكم
أنا كافر
بكل تعصّب الجهلة
ومين قال إنها سهلة؟
ومين قال إنى مش قادر؟
ده غصبن عن عنين بكرة
هوصل صوتى للعالى
ميدان الثورة يا فكرة
يا أطهر أرض
خروجنا فرض
هناك كونتوا وهنا كنا
هناك خونتوا وهنا صونا
هنا بيتنا
هنا لونا
هنا موتنا
هنا الجنّة
هنا التاريخ
هنا السنّة
هنا محمد
هنا حنّا
هنا مصر اللى باقيالنا
ويلعن مين يقسمنا
ويلعن ربنا الفتنة
هيفضل صفّنا واحد
أنا وبقيّة الشلّة على المواعيد
وعمر الحق ما يضرّك
ولو واقف فى صفّه وحيد
طلع ناس مش شبه ناسنا ومن غير قلب
لا بيحبوا ولا يحسّوا
طلع ناس للأسف فالصو
قال النهضة إرادة شعب
طلع مطلعش فيه نهضة
ويا عالم إيه مصير الشعب
يوماتى بنصطبح على غم
يا فاقدين الشعور والدم
يانايمين فى العسل نومه
ده دم ولادى مبردشى
عليكى اللعنة يا حكومة
وخافوا ده التاريخ قاسى ولا بيرحم
ولما الثورة تتكلم
تقعد ساكت وتتعلم
يا مصر يا بلدى يا كبيرة
دى ناس الزيف ملا قلوبها
وشوشها ودقنها عيرة
يا مصر يا بلدى يا كبيرة
قالولى سيبها واتغرّب مفيش عاقل ياخد للتربة تأشيرة
يا مصر يا بلدى يا كبيرة
تعالوا نغنى لبلدنا
بلدنا بتيجى ع السيرة
ولا تخافى ولا يهمّك
محدش راح يعيش فيكى سوى الغلبان
سوى المتربى من خيرك
وداق ويلك
شرب سمّك
كفر بيكى
وصل من عشقه فى عنيكى لأبعد حد م الإدمان
فأقسم أنى أمام بلادى بأن لا أعادى وأن لا أخون
وأعرف أن الثورة نور وهم فى الظلام ولا يشعرون
وأن الحكم بأيدى أناس يقولون دوما ولا يفعلون
فصم فبكم فعمى فكره ضلال ولا يفقهون
وأعلن شرفا بأنى برىء
فلا لست منكم
ولا كنت أعبد ما تعبدون
|
|
|
ملاحظة هامة: جميع الاراء والتعليقات تعبر عن وجهة نظر اصحابها فقط.
|
عدد الردود: 0
|
|
|
|
|
|
|
|
|
|
|
|
|
|
|
|
|
|
مصريون فى الكويت
مصريون فى الكويت
مصريون فى الكويت
مصريون فى الكويت مصريون فى الكويت مصريون فى الكويت
مصريون فى الكويت مصريون فى الكويت
|