استنكر الإعلامي سيد علي، الحملات الأمنية للقبض على عدد من النشطاء السياسيين، على خلفية دعوات للنزول بتظاهرات يوم 25 أبريل مناهضة للنظام؛ متسائلًا: "هل يعلم الرئيس عبد الفتاح السيسي أن هناك حملة اعتقالات شديدة موجودة في تلك الأيام حتى من على المقاهي؟".
أضاف علي، خلال تقديمه برنامج "حضرة المواطن"، الذي يعرض على قناة "العاصمة" مساء السبت، مش عارف نسمي اللي بيحصل ده إيه؟، نقدر نقول اعتقالات وقائية مثلًا، يشعر أي إنسان حر بالغضب، لأنه مهدد، نرفض أي اعتقال وقبض على أشخاص خارج إطار القانون، دي كارثة، الناس مامتتش في 25 يناير و30 يونيو وأسقطوا نظامين عشان نرجع لنفس الممارسات.
تابع علي ، إنتوا عندكم قانون التظاهر نفذوه على اللي ينزل، لكن نعتقل الناس قبل ما تنزل يبقى ولا كأن الشعب قام في 25 يناير ولا في 30 يونيو، ولا كأن في حاجة حصلت في البلد، يعني إيه تدخلوا تعتقلوا الناس؟ أمال الناس كانت خارجة من بيوتها ليه؟ عشان نرجع تاني لزوار الفجر والاعتقالات؟