سلام الله عليكم ورحمته وبركاته . أود أن أشكو كما شكى الملايين وأود أن تسمع شكواي أي توثيق بالقنصلية ب 8 دينار لماذا؟ أبعد كل السرقات التي حدثت في مصر سيبقى الوضع على ما هو عليه لماذا يأخذون 8 دينار عن كل توثيق يعني ما يقارب 160 جنية . بتاع أيه ؟ طيب بالنسبة لتصريح العمل كل ما أنزل مصر المطلوب مني أدفع عن كل سنة في الغربة 135 جنية . يعني انا سايب البلد من 14 سنة لا بأستخدم البنية التحتية ولا المية ولا الكهرباء ولا بأستخدم حاجه فيها . وموفر عليها همي وبعد ده كله تاخد مني فلوس هل في هذا منطق ؟ ولماذا ؟ لابد أن يكون هناك رد لماذا تأخذون من لم ترك البلد وأغترب لماذا يدفع فلوس عندما يعود عن كل سنة قضاها هناك وقال أيه فيه سقف 6 سنوات فقط . ليه من البداية كل السنين دي عشان الحرامية الكبار واللي بدأ يتكشف يوم ورا يوم . لماذا عندما أبلغ القنصلية المصرية بأن هناك مواطن مصري يتعرض للضرب في مخفر سلوى لماذا لم يسأل عليه أحد والآن موجود بالسجن المركزي لماذا أيتها القنصلية العزيزة هل السبب كان الرئيس مبارك أيضاً أم هذا هو سلوك موظفين لا يريدون العمل ويأخذون الراتب التمام وكله تمام يا أفندم . عاوزين وقفه شوية لو سمحتوا عاوزين تعاملونا على إننا بني آدميين . كنا زمان خايفيين زي غيرنا مع ان الأسئلة هي هي بس دلوقتي لابد من وضع حد للإستهتار بالمصريين وأخص بالذكر نفسي . عاوز أعرف بندفع فلوس ليه على الفاضي والمليان ليه فيه أيه لو التوثيق ببلاش خالص أو حتى بدينار واحد . فيها أيه لو كان هناك إهتمام بأي مصري يتعرض لمهانة وإهانة وذل في الغربة . لو المواطن اللي كان في مخفر سلوى ده كان أمريكي والسفارة عرفت عنه كانت الدنيا إتقلبت بس ده مصري مش أمريكي وده للأسف من وجهة نظر السادة أصحاب الكراسي في السفارة والقنصلية . لماذا بعد كل هذه السرقات في مصر لماذا يوجد جمارك على السيارات والأجهزة ده الهند مفيهاش كده . وبعد ده كله بطرس بيه غالي ياخد سيارت التيريبتك الي عليه بعض المشاكل عشان يركبها هو ومن والاه . ده حتى كل فترة في الجرايد يقولك السفير والقنصل إلتقوا بالمصريين الموجوديين بالكويت وعملوا قال أيه يوم ترفيهي وبطيخ ترفيهي . انا بقالي 14 سنة في الكويت لا شفت السفير ولا القنصل ومش عارف هما بيلتقوا بمين من المصريين وما هي آلية دعوة المصريين ؟ هل فقط المجموعة المقربة فقط أم ماذا . لو سمحتوا عاوزين نشم ريحة الحرية شوية عاوزين نحس أننا بجد مصريين لنا إحترامنا وآدميتنا مش مجرد شعارات ليس لها في الواقع من وجود. والله من وراء القصد