قررت نيابة مصر الجديدة، إخلاء سبيل المتهم بالتحرش بفتاة في مول الحرية بمصر الجديدة، بكفالة قدرها 100 جنيه، وأحالته إلى المحاكمة العاجلة، محددة له جلسة 7 نوفمبر، لنظر أولى جلساته.
"دوت مصر" ينشر بعض ما جاء بالتحقيقات مع المتحرش، والفتاة التي تحرش بها المتهم.
س: ما أقوالك فيما هو منسوب لك بأنك متهم بالتعرض للمجني عليها سمية طارق؟
ج: ماحصلش.
س: ما قولك فيما هو منسوب لك بأنك متهم بضرب المجني عليها سمية طارق؟
ج: أيوه أنا ضربتها لأنها شتمتني بأمي.
س: ما الذي حدث؟
ج: اللي حصل إني كنت في الحرية مول وأنا نازل على السلم الكهربائي كانت هي أمامي، وكانت بتتكلم في التليفون ومنفعلة، وبعد ما نزلنا على السلم، أنا بصيت عليها علشان هي كانت بتزعق في التليفون، فهي افتكرتني بأنظرلها، وشتمتني وأنا بسألها أنتي بتشتميني؟ قالت لي أنت مش محترم، وأنا رديت عليها وقولتلها أنا مش هرد عليكي لأنك مش محترمة، وبعد كده شتمتني بأمي وقالت لي "يابن الغسالة" وأنا رحت وضربتها بالقلم، ولقيت الأمن خدوني وضربوني وفي واحد من الأمن مشاني عشان عارف إني مش غلطان، وهي اللي شتمتني الأول وهو ده كل اللي حصل.
س: ما سبب تواجدك بالمكان؟
ج: أنا كنت رايح أشتري بنطلون.
س: ما الحوار الذي دار بينك وبين المجني عليها أثناء المقطع؟
ج: هي كانت شتمتني قبل ما نيجي ناحية الكاميرا، فأنا رجعت وكنت بقول أنا مش هرد عليكي علشان أنا محترم، وشتمتني تاني، فأنا ضربتها بالقلم.
واستدعت النيابة المجني عليها "سمية. ط"، وسألتها عما تعرضت له، وعما قامت بالشكوى منه، فكانت إجاباتها كالتالي:
س: ما سبب تواجدك للمكان والزمان سالفي الذكر؟
ج: كنت رايحة أشتري حاجة من المول.
س: ما علاقتك بمقطع الفيديو الذي عرض عليكي اللآن؟
الفيديو ده كان بيتصور لما كنت خارجة من المول وهو قاللي أنا هستناكي برة، وأنا زعقت وناديتله الأمن، فضربني.