وقال الرئيس عبد الفتاح السيسى، إنه رفض المدة التى طرحتها الشركة المنفذة لمشروع العاصمة الإدارية الجديدة لمصر، والتى كانت 10 سنوات، مشيراً فى كلمته الختامية بمؤتمر شرم الشيخ الاقتصادى إلى أن السبب وراء ذلك هو معدل الزيادة السكانية.

وأضاف الرئيس: "رفضت المدة لأننا هنزيد كمان 10 سنين 26 مليون مواطن.. احنا متأخرين ومحتجين نتحرك بسرعة أكبر من كدة".

كان الرئيس قد علق خلال كلمته على هتاف أحد الحضور بـ"تحيا السيسى"، بقوله : "تحيا مصر فقط، ولا يحيا أى أحد غيرها".

وقال الرئيس عبد الفتاح السيسى، فى كلمته الختامية بالمؤتمر الاقتصادى فى شرم الشيخ: "كنا بنتكلم مع الشركة اللى هتعمل العاصمة الجديدة وإن المرحلة الأولى ممكن تأخذ 10 سنين، وأنا قلت مش هينفع لأن كمان 10 سنين نكون زدنا 26 مليونا، لو استمرينا بالمعدل ده".

وتابع: "الوقت حاسم وعلشان كده هنأكد فى كلامنا مع كل المسئولين للشركات أن إحنا مستعجلين علشان إحنا متأخرين ولازم نمد أو نجرى".

ووجه كلامه إلى المستثمرين، قائلاً: "محتاجين نتحرك بسرعة أكبر من كده وهعطى مثال لشركتين.. كنت قاعد مع مدير شركة سمينز وكنا بنتكلم على ممكن عمل محطة للطاقة من 30 إلى 36 شهرا، فقلت له ممكن سنة ونص قال ده يبقى تحدى قلت يبقى عايزنها من سنة إلى سنة ونص وإذا كنا عايزين نساهم فى تنمية البلد فلابد أن يكون الشغل ليل نهار".

وتابع الرئيس: "النقطة الثانية التكلفة المالية رعونا فيها شوية وأنا بقول الكلام ده لنفسى ولكل اللى يسأل وبقول كده لنفسى والمستثمر اللى جاى يساعد، وبقول كده لأننا عايزين نبنى بلدنا وندى أمل حقيقى للناس وعلشان نعمل ده نعمل كل حاجة مشروعة".

وقال الرئيس عبد الفتاح السيسى إن مصر تحتاج من 200 إلى 300 مليار دولار على الأقل حتى يكون هناك أمل للمصريين بجد

وأضاف الرئيس خلال كلمته بختام المؤتمر الاقتصادى إن هذا المبلغ الذى نحتاجه للاستثمار والتنمية ضرورى حتى يجد 90 مليون مصرى فرصة حقيقية للعمل والنمو والتحقق الاقتصادى