أكد الرئيس عبدالفتاح السيسي، أن الدولة واجهت خططا كثيرة لإسقاط مصر، منذ ثورة 30 يونيو. 

وقال الرئيس السيسي تعقيبا على كلمة طارق عامر محافظ البنك المركزي خلال جلسة (المحور الاقتصادي والعدالة الاجتماعية) ضمن فعاليات اليوم الثاني لمؤتمر (حكاية وطن): "إحنا لما بنقول لكم إن الهدف إسقاط الدولة اعرفوه بيتم إزاي، لما أجي النهارده أقول اللي بيعمل الضرب لقطاع معين من القطاعات وهو عارف هو بيعمل ايه، لما بيتكلم عن إن فيه دخل 12 و 13 مليار دولار من القطاع السياحي وبحادثة أو حادثتين يتعملوا يقف هذا النشاط يعني الواحد بيصرف بالكتير 5 ملايين يعطل 13 مليار دولار سنويا لمدة ثلاثة سنين، أنا بقول كده ليه لأن بقول إن فيه استهداف لمصر والاستهداف اللي بيعمله أوعوا تفتكروا ناس بشتغل بشكل عشوائي دي عارفه هما بيعملوا إيه كويس أوي، عارف إن إزاي يضربك عشان يكسرك مش يضربك عشان يوقعك" . 

وتابع الرئيس قائلا: " ضرب القطاع السياحي لمدة 6 سنوات أفقدنا أكتر من 80 إلى 100 مليار دولار كانوا يدخلوا الدولة يغطوا كتير من الكلام ده، وأنا أشوف مصادر أخرى عشان أعوض هذا الرقم علاوة على القطاع الكبير اللي بيعمل في هذا القطاع 2 : 3 ملايين وراء منهم 5 ، 6 ، 7 ملايين أسر دول قاعدين تحت ضغط الحياة يقول طيب أنت هتعمل لنا إيه، عشان إنت لما تسمع كده تخرج وتقوم تهدها ودا المطلوب". وأكد السيسي: شوفوا أنا كل خوفي على حاجة واحدة بس أنها لم تهدم، والكلام اللي بتكلمه الصعب ده ليكم يا مصريين، أن الهدف منه مش عشان أبقى موجود هنا لا والله والله عشان هي تبقى موجودة دايمًا مصر، ومحدش أبدًا يقدر يكسرها، نبقى فاهمين نبقى عارفين اللي بيضرب الضربه دي لا دا مش حد بسيط وهو عارف كويس أوي هو بيعمل فيها أيه وهترتب عليها إيه. وقال السيسي: في كل مكان فيه نشاط سياحي كلنا مش شرطة ولا جيش، تبقى عنينا على هذه القطاعات نحميها بأرواحنا لأنها حياتنا وحياة أبنائنا دلوقتي والسنين القادمة.