ناشد الطلاب المصريون المغتربون في الخارج الدكتور خالد عبدالغفار، وزير التعليم العالي، بتعديل نظام التنسيق بالنسبة للشهادات المعادلة، وقالوا إنه يحرمهم من أحلامهم الكبيرة في استكمال دراستهم بالجامعات المصرية.
وقال اتحاد الطلاب المصريين المغتربين بالسعودية: «ندرس في المرحلة الثانوية، أغلبنا في 3 ثانوي، بحاجة لوصول صوتنا إلى الوزير.. إحنا كطلاب لما نخلص ثانوية ونرجع مصر علشان ندخل جامعة نُعامل كغير مصريين بالضبط».
وأوضح الاتحاد: «هذا العام تنسيق الثانوية المصرية لكلية الطب 98.7%، في حين أنه يأخذ في تنسيق المغتربين من 99.6 %، يعني تقريبا لو نقصنا درجة واحدة تبقى ضاعت كل أحلامنا وآمال أهالينا، واحنا مطالبين في مدارسنا بحاجة كمان اسمها (قدرات) مش موجودة في مصر».
وأضاف: «القدرات دي 95% من اللي بيختبروا في المملكة كلها مش بيجيبوا أعلى من 97%، ونظام التعليم في مصر يطالبنا بالحصول على 100% مدرسة، و100 % قدرات».
وتقول الطالبة لليان أحمد، وهي مصرية تدرس في السعودية: «نظام المعادلة تحول لنظام تعجيزي للطالب المغترب، ومع كل المطالب شبه المستحيلة دي الدولة تخصص لنا 10% فقط من إجمالي مقاعد الجامعات في مصر، يعني لو موجود 100 طالب هيدخلوا 10 منهم بس طب، والباقي هيشوفوا أي مكان تاني طب.. ازاي؟!»
وتابعت: «بعد كل مجهودي ده وتعبي وجبت ال100% اللي تدخلني وما أدخلش!، لأننا مش هنقدر ندخل كليات خاصة، فده أملنا الوحيد».
وطالب «لليان» وزارة التعليم العالي بزيادة نسبة مقاعد الشهادات المعادلة إلى 12.5% من عدد المقاعد الكلية، وتطوير موقع التنسيق فنيًا وإصلاح مشكلاته، والإعلان عن أعداد المقبولين من طلاب المعادلة في جميع الكليات في بيان رسمي.